Mae Cylch Meithrin Penmaenmawr yn un o hoelion wyth addysg cychwynol ym Mhenmaenmawr ers dros 40 mlynedd. Ymysg un o'r cylchoedd meithrin Cymraeg hynaf yng Nghymru.

Caiff ei arolygu yn rheolaidd gan ESTYN, Arolygiaeth Gofal a Gwasanaethau Cymdeithasol Cymru a Mudiad Ysgolion Meithrin.

Rydym yn ymfalchïo yn y berthynas gref rydym ni wedi’i meithrin gyda rhieni a gwarcheidwaid dros y blynyddoedd, ac mae gennym ni draddodiad cryf o ddarparu addysg cyn ysgol o safon uchel.

Rydym yn croesawu’r rhieni/gwarcheidwaid i ymwneud â phob agwedd o fywyd Cylch Meithrin Penmaenmawr, ac, yn wir, rhieni sy’n bennaf gyfrifol am godi arian. Fel rhieni ein hunain, rydym yn ymwybodol pa mor bwysig yw hi i chi deimlo eich bod yn dewis yr addysg gorau i’ch plentyn, ac felly bydd eich plentyn yn derbyn y gofal a’r addysg orau yng Nghylch Meithrin Penmaenmawr.

Cymraeg yw iaith y Cylch Meithrin ond rydym yn rhoi croeso cynnes i bob plentyn, dim ots beth yw’r iaith sy’n cael ei siarad yn y cartref, gyda nifer gynyddol yn ymuno â ni ddim yn dysgu Cymraeg. Nod ein cylch yw hyrwyddo addysg a datblygiad plant o ddwy flwydd oed hyd at oed ysgol. Mae cyfle i blant gymdeithasu a dysgu trwy chwarae dan arweiniad ein staff proffesiynol, cyfeillgar a brwdfrydig.

Os hoffech drafod unrhyw agwedd o waith y cylch neu dod draw i ymweld â'r safle mae croeso i chi gysylltu â ni.